Nëse dëshironi të bëheni të suksesshëm, duhet të investoni në vetveten fillimisht. Aq më i madh që është ky investim, aq më të përshtatshëm do të bëheni për një pozitë të suksesshme.

Karrierën mund ta zgjeroni vetëm deri në atë masë sa i zgjeroni njohuritë tuaja.

Lajmi i mirë është se koha të cilën e investoni në rritjen tuaj personale varet krejtësisht nga ju.

Nëse keni dëshirë do të investoni, nëse nuk keni dëshirë, do të kënaqeni për pozitën momentale që e keni në shoqëri.

Më poshtë i keni disa nga mënyrat më të thjeshta për t’i rritur kapacitetet intelektuale dhe ato të inteligjencës emocionale:

ZGJERONI HORIZONTET TUAJA

Duke i zgjeruar horizontet tuaja, ju do të njoftoheni me shumë mundësi të reja. Kjo këshillë mund të aplikohet shumë lehtë – mund të zgjedhni të vizitoni vende të reja, të zgjedhni një rrugë tjetër për të shkuar në punë, apo edhe t’i pastroni dhëmbët me dorën që s’e keni dominuese.

KËNAQUNI DUKE LEXUAR

Suksesi për shumicën e njerëzve është prioritet, prandaj shumica harrojnë të argëtohen dhe të relaksohen. Rritja personale nuk do të thotë se gjithsesi tërë kohën duhet lexuar detyra të ndryshme.

Leximi në përgjithësi, pavarësisht përmbajtjes, është i mahnitshëm për trurin.

Qoftë nëse lexoni mister, trillim, poezi, etj., ju e stimuloni procesin tuaj imagjinar.

Mes tjerash, leximi jua zgjeron fjalorin, e forcon trurin, ju ndihmon të bëheni lexues dhe shkrimtar/e më i mirë dhe komunikues profesionist!

USHTROJENI TRURIN

Ka shumë teknika përmes së cilave mund ta mbani mendjen të mprehtë. Ekzistojnë edhe aplikacione në telefon të cilat ofrojnë lojëra dhe teknika për zgjidhjen e problemeve, e të cilat janë të dizajnuar për ta rritur neuroplasticitetin e trurit.

VAZHDIMISHT MËSONI

Gjithmonë ka diçka të re që mund të mësoni. Aq më shumë që mësoni, aq më të përgatitur do të jeni për të qenë strateg/e i shkëlqyeshëm.

Mësimi jua rritë vetëbesimin, i rrit aftësitë tuaja dhe jua shton talentin!

Gjithashtu ju mundëson të punoni mençur, e jo shumë.

AKTIVITETI FIZIK

Aktiviteti fizik jo vetëm se jua formëson trupin, por edhe ju ofron funksionim më të lartë të trurit. Truri funksionon më së miri kur është i mbushur me oksigjen. Kur ju i jepni një shtysë oksigjeni trurit nga ushtrimet fizike, ju e përmirësoni memorien, aftësinë për t’u përqendruar, etj.

Përveç mënyrave të lartcekura, sigurohuni që gjithashtu të bëni mjaftueshëm gjumë dhe të keni kujdes si visheni!