Personat me mbipeshë apo ata të hollë, kush ka të ftohtë më shumë
Ekziston një mit që njerëzit me mbipeshë kanë më pak të ftohtë sesa ata që janë të dobët.
Tash këtë e vërteton edhe shkenca.
Hulumtimi më i fundit tregon se njerëzit me përqindje më të lartë të yndyrës në trup kanë më pak të ftohtë, pasi yndyra izolon organet e tyre të brendshme, shkruan ‘Popular Science’, transmeton KosovaPress.
Këtu janë shpjegimet për këtë pikëpamje. Truri kombinon dy sinjale: temperaturën brenda trupit dhe atë në sipërfaqen e lëkurës për të vendosur se si trupi reagon ndaj të ftohtit.
Njerëzit më të dobët kanë një zonë më të madhe në raport me vëllimin e përgjithshëm të trupit dhe shpejt ndiejnë të ftohtët, ndërsa njerëzit me masë më të madhe të muskujve kanë mbrojtje më të mirë, pasi muskujt gjenerojnë më shumë nxehtësinë e trupit.
