Përse na vyshken lulet?!- mësoni se cilat janë arsyet

Të kujdesesh për bimët e lulet në vazo duket mjaft e lehtë deri në momentin kur sheh që gjethet vyshken dhe pse asnjëherë nuk harron ta ujisësh e lulet nuk çelin dhe pse vazoja është në drejtim të diellit.

Të “diagnostikosh” lulet e bimët është paksa e vështirë dhe jo të gjithë mund ta bëjnë këtë gjë, por ne do ju tregojmë më poshtë sipas disa analizave se çfarë ka që nuk shkon me lulet tuaja!

Gjethe të zverdhura
Arsyeja: E keni ujitur lulen më shumë nga se duhet
Kontrolloni dheun, e nëse është shumë i lagësht mos e ujisni lulen për 2-3 ditë. Sigurohuni që vazoja të ketë disa vrima që uji të kullojë.

Gjethe kafe që bien
Arsyeja: Nuk po i ujisni mjaftueshëm
Në mënyrë që uji të depërtojë thellë në rrënjë duhet ta punoni dheun . Nëse gjithnjë harroni t’i ujisni lulet mbushni pjatën e vazos me ujë në mënyrë që ajo ta përthithë gradualisht. Duhet të dini gjithashtu që lulja thahet më shpejtë në prani të ajrit të kondicionuar apo në ambiente shumë të ngrohta.

Insekte të vogla
Arsyeja: Kafshët
Tre dëmtuesit që “sulmojnë” zakonisht lulet e shtëpisë janë merimangat dhe fluturat e vogla të bardha. Në momentin që një bimë infektohet, duhet ta mbani larg bimëve të shëndetshme, pasi mund të sëmuren dhe këto të fundit.
Ajo që duhet të bëni është të fshini gjethet për tre javë rresht me një copë të lagur me alkool ku më parë është tretur në një tenxhere me ujë.