Përfundon rinumërimi i 50 vendvotimeve,në mesditë fillon i fletëvotimeve të pavefshme nga votimi me postë Prishtinë
Zëdhënësi i KQZ, Valmi Elezi ka njoftuar se ka përfunduar rinumërimi i 50 vendvotimeve në Vushtrri dhe disa komuna tjera.
Tutje Elezi ka thënë për Periskopin se gjatë mesditës do të fillojë rinumërimi i 1,631 fletëvotimeve të pavlefshme nga votimi me postë, të cilat gjenden në 177 kuti të votimit
” Të martën në mesnatë, në Qendrën e Numërimit dhe Rezultateve ka përfunduar rinumërimi i fletëvotimeve nga 50 vendvotime të rregullta, sipas vendimit të KQZ-së. Ky proces u zhvillua në prezencë të vëzhguesve të akredituar. KQZ njofton se gjatë ditës së sotme, në orën 12:00, në QNR do të fillojë rinumërimi i 1,631 fletëvotimeve të pavlefshme nga votimi me postë, të cilat gjenden në 177 kuti të votimit, sipas vendimit të Panelit Zgjedhor për Ankesa dhe Parashtresa. Edhe për këtë proces, KQZ ka njoftuar vëzhguesit e akredituar”, tha Elezi për Periskopin
