Përfitimet e pafundme të kungullit

Dy ekspertë të ushqyerjes kanë zbuluar disa nga arsyet përse duhet ta konsumojmë kungullin sa më shumë:

Rënie në peshë

Kungulli përmban shumë pak kalori dhe karbohidrate, prandaj nuk ka asnjë arsye përse nuk duhet ta përfshini në dietën ushqimore.

Ai ka edhe një shije shumë të mirë, ngjashëm me patatet e ëmbla, prandaj mund ta konsumoni nëse po përpiqeni të bini në peshë.

Kjo perime ju mban gjithashtu të ngopur për një kohë të gjatë, kështu nuk do të keni dëshirë për të ngrënë ëmbëlsira.

“Kungulli përmban edhe shumë fibra, rreth 3 gramë për një racion, prandaj ju mbajnë të ngopur të gjatë për një kohë të gjatë”, thotë dietologia Cassandra Barns.

Është i mirë për lëkurën

Kungulli, bashkë me perime si karota, kungulli, patatet e ëmbla, përmbajnë nivele të larta të beta koretenes dhe karotenoidit, që janë përgjegjës për ngjyrën portokalli.

Beta karotene konvertohet në vitaminë A brenda trupit, që është një nga lëndët ushqyese më të rëndësishme për lëkurën, e ndihmon t’u rezistojë dëmtimeve dhe lejon të shërohet shpejt.

Ky përbërës funksion gjithashtu si antioksidues pasi pengon dëmtimin e qelizave nga radikalet e lira, që mund të çojnë në plakje.

I pasur me antioksidues natyral

Vaji i farave të kungullit përmban nivele të larta të antioksiduesve natyral dhe acideve yndyrore të pangopura. Ai është sidomos i pasur me një formë të vitaminës E, e quajtur gamma-tocopherol, që është i antioksidues i fuqishëm. Studime të mëparshme kanë treguar se y përbërës mund të ulë inflamacionin dhe ofron mbrojtje kundër llojeve të ndryshme të kancerit.

Shkencëtarët kanë zbuluar gjithashtu se ai aktivizon gjenet që parandalojnë sëmundjen e alcajmerit.

Përmirëson shikimin

Kemi dëgjuar mitin se konsumimi i karotave ju ndihmon të shihni në errësirë por, a vlen e njëjta gjë edhe për kungullin?

Kungulli është i pasur me beta karotene, që trupi e konverton në vitaminë A dhe më pas e zbërthen në retinol. Duke u siguruar syve retinol, parandalohet sëmundja degjenerative e syve. Kështu përmirësohet shëndeti i syve dhe ngadalësohet rënia e funksionit retina që mund të shkaktojë verbim.

“Një racion me kungull është një mënyrë e lehtë dhe e shijshme për të marrë sasinë e rekomanduar të vitaminës A në ditë.

Mban zemrën të shëndetshme

Antioksiduesit tek kungulli mund të kenë një efekt mbrojtës në të gjithë trupin, përfshirë edhe zemrën dhe enët e gjakut. Të pasur me fibra, si mishi ashtu edhe farat e kungullit ndihmojnë për mbajtjen nën kontroll të niveleve të kolesterolit, thonë ekspertët. Ndërsa një studim i mëparshëm ka zbuluar se dieta e pasur me fibra mund të ndihmojë në uljen e tensionit të gjakut, duke parandaluar kështu sëmundjet e zemrës.

Forcon sistemin imunitar

Falë vitaminës A dhe C, kungulli mund të jetë një mënyrë e mirë për të luftuar viruset e dimrit. Të dyja këto lëndë ushqyese janë të rëndësishme për forcimin e sistemit imunitar.

Prandaj, gatuani sonte për darkë një supë me kungull, xhenxhefil dhe erëza.