Perez për Mbappen: Djali i gjorë, tashmë duhet të jetë penduar

Florentino Perez beson se sulmuesi i Paris Saint-Germain Kylian Mbappe ka të ngjarë të jetë penduar për vendimin e tij për të refuzuar një lëvizje te Real Madrid këtë verë.

Mbappe pritej të transferohej te kampionët spanjollë dhe evropianë si një transferim i lirë, por në vend të kësaj vendosi të nënshkruante një kontratë trevjeçare me PSG -në dhe të qëndronte në Parc des Princes.

Gjatë një takimi me tifozët, presidenti i Real Madridit, Florentino Perez u pyet për mosnënshkrimin e Mbappes teksa firmoste autografe dhe pozonte për fotografi, dhe përgjigja e tij ka bërë bujë në internet.

“Djali i gjorë, Mbappe tashmë duhet të jetë penduar”, i rrëfeu Florentino fansit teksa firmoste autografin.

Vendimi i Mbappes, pas më shumë se një viti flirtim publik me Real Madridin, i ka lënë të gjithë në kryeqytetin spanjoll disi të zemëruar, të befasuar dhe konfuzë.

Disa madje ndihen të tradhtuar nga ajo që ndodhi.

Vendimi i francezit erdhi pas një muaji presioni nga PSG dhe presidenti francez Emmanuel Macron madje i kërkoi të qëndronte në Paris.

Florentino Perez, megjithatë, beson se Mbappe bëri një gabim. Vlen të përmendet se Real Madrid eliminoi PSG-në gjatë rrugës për suksesin e tyre të 14-të në Ligën e Kampionëve këtë sezon në një kthesë të pabesueshme në Estadio Santiago Bernabeu./express