Për përdoruesit e iPhone, nesër lansohet iOS 10

Sistemi i ri operativ i Apple – iOS 10 – lansohet nesër, pak ditë pasi u lansua iPhone 7.

Bazuar në lansimet e mëparshme, përditësimi pritet të jetë i gatshëm për t’u marrë diku rreth orës 13:00.

iPhone 7 dhe 7 Plus do të shiten me iOS 10 të instaluar, por sistemi operativ mund të shkarkohet falas për t’u përdorur edhe në pajisjet e vjetra të Apple, transmeton Gazeta Express.

Duke folur për pajisjet e reja, CEO i Apple Tim Cook e përshkroi iOS 10 si “sistemin më të avancuar operativ për celularë”.

A do të funksionojë ai në celularin tuaj?

Sistemi i ri operativ është i dizajnuar për të punuar vetëm me modelet më të fundit, kështu që ju duhet të keni një iPhone 5 ose më të ri për ta shkarkuar atë.

Bëjeni gati celularin tuaj për përditësimin

Para se ta instaloni, është mirë t’ia bëni “backup” celularit tuaj. Nëse iOS 10 ju shkakton ndonjë problem, ju mund ta riktheni celularin tuaj në gjendjen e mëparshme përmes backup-it. /Gazeta Express