Pas këtij lajmi, nuk do vishni më kurrë xhinse të ngushta

Lajmi më i lexuar në BBC flet për një shqetësim të publikuar në një nga revistat më të mëdha shkencore në botë. Xhinset e ngushta mund të rrezikojnë seriozisht muskujt dhe nervat, thonë ekspertët.

Një grua 35-vjeçare u detyrua të presë xhinset e saj, pasi kofshët iu frynë shumë, thuhet në studim. Ajo kishte punuar për disa orë në shtëpi, me xhinset e veshura.

Në mbrëmje, këmbët e saj u mpinë dhe ajo ra pasi nuk ecte dot. Mjekët thanë se ajo u prek nga ajo që quhet sindroma e ndarjes. Xhinset kishin ndikuar për keq tek muskujt dhe nervat. Vetëm pas katër ditësh mjekimi intensiv, gruaja ishte në gjendje që të ecte.

Të tjerë mjekë kanë raportuar raste të ngjashme, të kësaj sindrome, e cila vjen për shkak të xhinseve apo pantallonave të ngushta.