Parashikimi i motit, temperaturat sot deri në 29 gradë
Mot kryesisht me diell dhe shumë i ngrohtë parashihet për ditën e enjtë, me temperatura maksimale deri në 28C e 29C.
Orëve të mëngjesit përgjatë ultësirave priten kushte për mjegullinë. Minimalet zbresin në 12C e 14C. Frynë erë e lehtë dhe mesatare veriore 3-7m/s, njofton Prishtina Weather.
Temperaturat më të larta parashihen duke shkuar nga fundjava, me temperatura maksimale edhe deri në 33C e 35C.
Do të mbretëroj mot më i qëndrueshëm, me më shumë intervale me diell. Përreth viseve malore, në fundjavë, orëve të pasdites më vonë, nuk duhet përjashtuar mundësinë për zhvillime të rrebesheve të izoluara dhe bubullima.
Këto rrebeshe mund të depërtojnë edhe në pjesë tjera të vendit. Minimalet shënojnë rritje gjithashtu deri në 18C, e në disa pjesë të vendit edhe mund të regjistrohen netë tropike, kur temperaturat minimale nuk zbresin nën 20C.
