Paparaci: Kryeinspektori i AKI-së ftohet në Prokurorinë Speciale

Kryeinspektori i Agjencisë Kosovare të Inteligjencës, Kujtim Shala është ftuar të premten në Prokurorinë Speciale të Kosovës, raporton Paparaci.

Ai është parë duke hyrë në objektin e Speciales në qendër të Prishtinës.

Paparaci përmes burimeve rapkrton se Shala, i emëruar me një vendim të përbashkët nga presidentja Vjosa Osmani dhe kryeministri Albin Kurti gjatë vitit 2022, është ftuar nga Prokuroria Speciale për një rast të brendshëm në AKI.

Shala është ftuar në cilësinë e dëshmitarit, ndërkaq Paparaci ka dërguar pyetje në adresën e Prokurorisë Speciale, por deri në publikimin e këtij lajmi nuk ka marrë përgjigje.

Çështjet e brendshme të AKI-së bien në kompetencë të Prokurorisë Speciale.