Panik në Prishtina Park, disa persona mbesin të bllokuar në njërën nga lojërat
Disa qytetarë kanë mbetur të bllokuar në rrotulluesen që gjendet në Prishtina Park, vend ky që është hapur së fundmi në magjistralen Prishtinë-Ferizaj.
Në videon e siguruar nga Gazeta Express shihet që qytetari që mbeti në rrotulluese incizion momentin. Kjo ka shkaktuar panik tek personat që kanë mbetur të ngujuar në rrotulluese.
Poshtë shihen edhe Policia e Kosovës dhe zjarrëfikësit, ndërsa thuhet se rrotulluesja është bllokuar rreth orës 20:00.
Deri tani ende nuk ka ndonjë konfirmim zyrtar nga Policia e Kosovës lidhur me rastin.
