Pamje të rënda – Tifozët e Feyenoordit eskalojnë, rrahin keq qytetarin në Tiranë
Një ngjarje e rëndë është shënuar mbrëmjen e kësaj të marte në Tiranë. Burime bëjnë me dije se një shtetas shqiptar është rrahur në mënyrë brutale nga tifozët e ekipit të Feyenoordit.
Sipas informacioneve paraprake ai është transportuar në spital në gjendje të rëndë për jetën.
Siç duket dhe nga pamjet e mësipërme i plagosuri ndodhet i shtrirë në trotuar, i pamundur të ngrihet në këmbë dhe i mbuluar me gjak në pjesën e fytyrës.
Nuk dihen ende rrethanat dhe shkaqet e kësaj ngjarjeje të rëndë.
Ngjarja ka ndodhur te zona e “9 katësheve” në kryeqytet.
