Pacolli i përgjigjet Haxhiut për Hotelin Grand: Askush nuk e kërkoi objektin, prej fillimit Mabco ka kërkuar t’i kthehen fondet
Biznesmeni Behgjet Pacolli, i ka reaguar ministres së Drejtësisë, Albulena Haxhiu, rreth rastit ‘‘Grandi’’, duke thënë se askush nuk e ka kërkuar objektin e hotelit.
Tutje, ai ka thënë se kompania e tij, që nga fillimi ka kërkuar që të kthehen fondet e saja.
‘‘Deklarata e ministres Haxhiu tingëllonte si një formë “vetëngushëllimi”.
Ministrja e din shumë mirë , që askush në këtë proces nuk ka kërkuar OBJEKTIN nga ju në asnjë moment. Këtë e lexoni edhe në postimin e maparshëm.
Që nga fillimi i procesitit, Mabco ka kërkuar gjithmonë që t’i kthehen fondet e saj, të cilat janë përvetësuar në mënyrë të jashtëligjshme, dhe asgjë tjetër’’, ka shkruar Pacolli.
Përndryshe, më herët Pacolli, në një postim tjetër në Facebook ka thënë se kompania e tij ka fituar në arbitrazh rastin që njihet si rasti i ‘‘Grandit’’.
Ndaj postim të cilit, ka reaguar ministrja Haxhiu duke thënë mes tjerash se: ‘‘nuk ekziston asnjë premisë, dëshmi apo teori që do t’ia mundësonte Behgjet Pacollit pronësinë mbi Grandin. E vetmja gjë për të cilën obligohet Republika e Kosovës, është kthimi i vlerës monetare të cilën Pacolli ia kishte dhënë AKP-së në emër të privatizimit’’.
