Pacolli i interesuar për blerjen e Man Utd, këshilltari i tij thotë “Pse jo”
Të mërkurën mbrëma, mediumi anglez “Football Transfers” raportoi se politikani dhe biznesmeni kosovar, Behgjet Pacolli, është i interesuar për ta blerë klubin e madh, Manchester Unitedin.
Familja Glazers e ka vendosur në shitje klubin, ndërsa papritmas ka dalë në pah emri i Pacollit.
Pas këtij lajmi, këshilltari dhe bashkëpuntori i afërt me Pacollin, Jetlir Zyberaj, ka bërë reagimin e parë.
“E pse jo”, shkroi ai në lajmin e publikuar.
Me të dalë lajmi, Express tentoi të kontaktonte me Zyberajn, por nuk ishte i çasshëm.
