Osmani në Uashington takon senatorin republikan: Diskutuam për zhvillimet e fundit të sigurisë në Kosovë
Presidentja Vjosa Osmani po zhvillon takime në Uashington dhe së fundmi u takua me senatorin republikan Thom Tillis.
Osmani ka njoftuar se me senatorin kanë biseduar për zhvillimet e fundit të sigurisë në Kosovë.
“Paqja dhe siguria e qëndrueshme janë parakusht për prosperitet e zhvillim. SHBA-të kanë qenë dhe mbeten të përkushtuara për të ndihmuar për t’i ruajtur dhe avancuar ato në Kosovë”, shkroi mes tjerash Osmani.
Postimi i plotë:
Jemi në Washington D.C për takime në Senat e në Dhomën e Përfaqësuesve, para se të vazhdojmë për Rhode Island ku do të mbajë fjalimin kryesor në Simpoziumin e 11-të Vjetor të ‘United States Naval War College’.
Kënaqësi të takohem sot me senatorin republikan Thom Tillis me të cilin diskutuam për zhvillimet e fundit të sigurisë në Kosovë e Ballkanin Perendimor, si dhe për rëndësinë e bashkëpunimit drejt ruajtjes së paqes dhe sigurisë në rajonin tonë.
Paqja dhe siguria e qëndrueshme janë parakusht për prosperitet e zhvillim. SHBA-të kanë qenë dhe mbeten të përkushtuara për të ndihmuar për t’i ruajtur dhe avancuar ato në Kosovë.
