Oferta marramendëse e Al Nassr për Ronaldon: 500 mijë € në ditë dhe aksione në klub

Tentativat e Al Hilal duket se nuk ia kanë vlejtur, pasi CR7 do të firmosë kontratën e re me Al Nassr në Arabinë Saudite. Portugezi ka marrë një ofertë të jashtëzakonshme, por jo vetëm në aspektin monetar, pasi i është ofruar të jetë edhe pronar i skuadrës. Konkretisht, 5% të aksioneve të Al Nassr do të jenë të tijat, ndërsa për sezonin 2025-2026 paga e tij vjetore do të jetë 180 milionë euro.

Në një llogari të thjeshtë, Ronaldo do të përfitojë pak më tepër se 500 mijë euro në ditë, një vlerë shumë e lartë për një futbollist, sidomos në moshën e tij, pasi ka mbushur 39 vjeç dhe në shkurt bëhet 40 vjeç. Al Nassr ka vendosur ta bëjë të paprekshëm lojtarin portugez, jo vetëm për të treguar besim dhe mirënjohje për kontributin e tij, por gjithashtu për të funksionuar si ambasador i Arabisë Saudite

Pak ditë më parë u përfol se Al Hilal kishte gati një ofertë për CR7 dhe do ta afronte në skuadër, por duket se klubi aktual i sulmuesit ka qenë një hap para kampionëve në fuqi të Arabisë Saudite.