Numri i fanellave të shitura të CR7 pasi u zbulua numri i tij te Man Unitedi, është thjesht çmenduri
Në këtë kohë të javës, Cristiano Ronaldo do ta kishte bërë debutimin e dytë te Manchester Unitedi.
Fansat po i numërojnë ditët deri në aksionin e Ronaldos me skuadrën, dhe kjo pritet të ndodhë të shtunën në ‘Old Trafford’, kundër Newcastlet, transmeton Periskopi.
Niveli i ngazëllimit u ngrit edhe më shumë kur u konfirmua më herët këtë javë se CR7 do ta marrë fanellën e famshme me numrin 7.
Edinson Cavani hoqi dorë nga ky numër për t’ia dhuruar Ronaldos, me uruguaianin që tash do ta përdorë numrin 21.
Jo befasisht, radhë të gjata u krijuan jashtë dyqanit zyrtar të Man Unitedit, me fansat që donin të siguronin fanellën ‘Ronaldo 7’.
Por sa fanella shiti realisht Ronaldo?
?⚽️ | NEW: Manchester United fans queuing up outside of the club shop for Ronaldo shirts pic.twitter.com/iA8GK7Fjpj
— Football For All (@FootballlForAll) September 3, 2021
Epo, sipas ‘Lovethesales’, ‘Ronaldo 7’ pati shitje drithëruese prej 40 milionë eurove, vetëm në 12 orët e para pasi u konfirmua numri i tij.
E jashtëzakonshme.
Por para se të mbesim gojëhapur duke menduar se klubi tashmë ka kaluar në profit me transferimin e Ronaldos, duhet cekur se Unitedit i takojnë vetëm 7% të shumës nga shitjet, sipas Kieran Maguire (Price of Football).
United get 7% on a £60 shirt which works out at £4.20 per unit. The cost of Ronaldo is £12m transfer fee (minimum) plus wages of £20m a year. Total cost £52m over 2 years. The club would have to sell 12.4m additional shirts to pay for his recruitment.
— PriceOfFootball (@KieranMaguire) September 4, 2021
Kjo i bie se klubi fiton vetëm 4.90 euro nga çdo shitje e fanellës që kushton 70 euro.
Pra, nga ajo shitje 40 milionëshe, klubi ka fituar vetëm 3.7 milionë euro. Aspak keq kur e marrim parasysh se kjo ka ndodhur vetëm në 12 orët e para.
Prapë, sipas ‘Lovethesales’, United do të mund të rikuperojë 15 milionët e investuar në transferimin e Ronaldos këtë fundjavë, nëse shitjet vazhdojnë me këtë ritëm. /Periskopi.com/
