Nuk u grumbullua me Spanjën, Ramos: Sot, më shumë se kurrë, krenar për flamurin tonë, krenar për vendin tonë dhe krenar për lojtarët tanë
Sergio Ramos, i cili mban rekordin e ndeshjeve për ekipin e Spanjës me 180 paraqitje, por që nuk u grumbullua nga Luis Enrique që nga marsi 2021, publikoi një mesazh mbështetjeje dhe krenarie për “La Rojan” pas eliminimit tnë raundin e 1/8-ave nga Maroku, në “Katar 2022”.
“Sot, më shumë se kurrë, krenar për flamurin tonë, krenar për vendin tonë dhe krenar për lojtarët tanë”, shkroi mbrojtësi i PSG-në në llogarinë e tij zyrtare në Instagram.
“Spanja nuk humbet, Spanja mëson. Spanja bie, pengohet, por ngrihet dhe vazhdon të kryesojë. Ne do të kthehemi dhe do të kthehemi më të fortë. Forca Spanja!”, e mbyll Ramos.
