Nuhiu flet pas fitores ndaj Prishtinës, këto janë fjalët e tij
Drita ka shënuar fitore të madhe ndaj Prishtinës me rezultatin final në 2:0.
Skuadra e drejtuar nga Nuhiu arriti fitore në shtëpi ndaj Prishtinës, duel ky në kuadër të xhiros së 26’të në Superligë, shkruan Periskopi.
Simonovski në minutën e 48’të dhe Prince Balde në minutën e 81’të realizuan për t’i siguruar 3 pikë Dritës.
Pas ndeshjes për “Art Sport” u prononcua trajneri i Dritës, Ardian Nuhiu, i cili tha se skuadra e tij dominoi lojën në çdo aspekt.
“Bëmë një ndeshje të madhe, pjesa e parë ishte e dominuar në çdo aspekt, ishte mëkat të mos shënonim pasi po vraponte shumë skuadra, ndeshje jashtëzakonisht e madhe nga skuadra si në qarkullimin e shpejtë te topit dhe çdo gjë tjetër”, tha Nuhiu.
Me këtë fitore Drita shkon në kuotën e 46 pikëve në pozitën e 3’të të Superligës së Kosovës tre më pak se rivali lokal Gjilani që ka 49 pikë në pozitën e 2’të dhe tetë më pak se lideri Ballkani që ka 54 pikë.
