Rubio i ashpër me Dodikun: Veprimet e tij po kërcënojnë sigurinë dhe stabilitetin e Bosnjës
Sekretari amerikan i Shtetit, Marko Rubio, ka dënuar veprimet e fundit të presidentit të Republikës Sërpska (RS), Millorad Dodik.
Ai ka bërë me dije se këto veprime përbëjnë kërcënim për sigurinë dhe stabilitetin e Bosnje e Hercegovinës.
Në llogrinë e tij “X”, kryediplomati amerikan iu ka bërë thirrje liderëve politikë në Bosnje e Hercegovinë për t’u angazhuar në dialog konstruktiv dhe të përgjegjshëm.
“Veprimet e presidentit të Republikës Srpska, Milorad Dodik, po minojnë institucionet e Bosnje dhe Hercegovinës dhe po kërcënojnë sigurinë dhe stabilitetin e saj. Kombi ynë inkurajon liderët politikë në Bosnjë dhe Hercegovinë që të angazhohen në dialog konstruktiv dhe të përgjegjshëm. Ne u bëjmë thirrje partnerëve tanë në rajon që të bashkohen me ne për të kundërshtuar këtë sjellje të rrezikshme dhe destabilizuese”, ka shkruar Rubio.
The actions of Republika Srpska President Milorad Dodik are undermining Bosnia and Herzegovina’s institutions and threatening its security and stability. Our nation encourages political leaders in Bosnia and Herzegovina to engage in constructive and responsible dialogue. We call…
— Secretary Marco Rubio (@SecRubio) March 8, 2025
