Njihet për “kombin kosovar”, por a është Nexhmedin Spahiu tifoz i Kosovës?

Nexhmedin Spahiu njihet për konfrontimin që i bën secilit që nuk i referohet si komb, kombit të Kosovës. Megjithatë, a është z.Spahiu tifoz i Kosovës?

Spahiu vazhdimisht ka potencuar rëndësinë që ka përmendja e cilësorit “kombëtare” në vend të “përfaqësuese” për ekipin kombëtar të Kosovës.

Ai ka thënë se është absurde që vetëm Kosova të mos njihet si komb mes kombeve tjera të pranuara në UEFA dhe FIFA.

Sidoqoftë, Spahiu nuk ka bërë asnjë postim as dje kur Kosova luajti me Suedinë dhe u mposht me rezultat 3-0 në “Fadil Vokrri”.

Postime për kombëtaren e futbollit ai nuk ka bërë as në të kaluarën, përveç kur ka reaguar për mënyrën se si mediat i janë referuar asaj.

Në anën tjetër, ish mohuesi i kësaj kombëtareje, Albin Kurti dje ishte në cilësinë e kryeministrit në ulëset e “Fadil Vokrrit” për ta ndjekur në ndeshje kundër Suedisë. /Periskopi