Njëri prej futbollistëve kryesorë te Reali në dyshim për ndeshjen e dytë ndaj Man Cityt
David Alaba pritet t’i mungojë Real Madridit në ndeshjen e kthimit ndaj Manchester Cityt në gjysmëfinale të Ligës së Kampionëve.
Sipas raportimeve nga mediat spanjolle, mbrojtësi austriak nuk ka stërvitur këtë të hënë me “Los Blancos” shkaku i lëndimit.
Alaba nuk ishte në dispozicion të Carlo Ancelottit as në ndeshjen e fundit në La Liga ndaj Espanyolit, ku skuadra madrilene e siguroi edhe matematikisht titullin e kampionit.
Ndeshja e dytë gjysmëfinale mes Real Madridit dhe Manchester Cityt do të zhvillohet më 4 maj në “Santiago Bernabeu”.
Ndeshja e parë e zhvilluar në “Etihad Stadium” kishte përfunduar me fitoren 4:3 të “Qytetarëve”.
