Një fëmijë i shpëtoi luftës në Ukrainë – Zinchenko i Man Cityt bën gjestin e madh
Oleksandr Zinchenko nuk kalon asnjë moment pa menduar për Ukrainën e tij.
Gjatë ditëve të para të luftës, mbrojtësi i Manchester City nuk arrinte t’i përmbante lotët në çdo intervistë apo dalje publike, ndërsa sot nga largësia e dy muajve e gjysmë, ai kërkon të bëjë më shumë konkretisht.
Zinchenko ka ftuar në qendrën stërvitore të Manchester City një fëmijë 10-vjeçar. “Ky është Andriy”, shkruan mbrojtësi në rrjetet sociale ku shton se tashmë ai është i sigurt pasi i shpëtoi luftës që nisi në 24 shkurt. Ashtu si 12 milionë ukrainas të tjerë, ai është larguar nga shtëpia për shkak të agresionit rus.
“Prej 75 ditësh, ky fëmijë ëndërron të bëhet një futbollist profesionist dhe të stërvitet me ekipin e tij në vendlindje. Sot ne ëndërrojmë vetëm një gjë, paqe në vendin tonë”.
