Nis gjyqi për njeriun e akuzuar për therjen me thikë të shkrimtarit Salman Rushdie
Gjyqi i njeriut që dyshohet se goditi me thikë autorin e njohur britaniko-indian Salman Rushdie disa herë në vitin 2022, duke e lënë të verbër në një sy, fillon të hënën në veri të Nju Jorkut.
Hadi Matar, një 27-vjeçar nga Nju Xhersi, po përballet me akuzat për tentativë vrasje dhe sulm. Ai është deklaruar i pafajshëm.
Sulmi, i cili u kap në video, ndodhi në Institutin historik Chautauqua në veriperëndim të Nju Jorkut, ku Rushdie do të jepte një leksion, raporton BBC, transmeton Klankosova.tv.
Gjyqi, në Mayville aty pranë, do të vendoset nga një juri, e cila do të dëgjojë disa dëshmitarë, përfshirë vetë Rushdie.
