Nga 700 mijë euro rrogë në 7 milionë: Jeta e Vlahovicit ndryshon përgjithmonë te Juve

Fillimisht ditëlindja e 22, të premten, më pas ekzaminimet mjekësore për Juventusin, të shtunën. Java e Dusan Vlahovic do të mbyllet bardh e zi, me kusht që tamponi për Covid të jetë negativ. Sa i përket negociatave, në fakt, tani bëhet fjalë për detajet e fundit. Në këto orë po vendosen pikat mbi “i” për kontratën dhe komisionet, mes menaxherit të sulmuesit serb, Darko Ristic dhe drejtuesve të Juventusit.

Synimi është që të jetë në dispozicion të Allegrit menjëherë kur të rifillojë kampionati, kur Juve do të presë Veronën në Allianz Stadium të dielën më 6 shkurt. Nuk do të ketë një stadium plot duke pasur parasysh kufizimet në kapacitetin e impiantit, por pritja është tashmë e ethshme për të parë në veprim atë që mund, ose duhet, duke pasur parasysh investimin, të ndryshojë sezonin e Allegrit dhe të tijve. Sa i përket shifrave të ftohta të operacionit, Vlahovicit do t’i garantohet një pagë neto prej 7 milionë eurosh në vit plus bonuse, shumë larg 800 mijë eurove që i paguante Fiorentina. Një trajtim si top player, në nivelin e Dybalës dhe tashmë mbi Moratan.

Megjithatë, ka ende pak mister për shifrat dhe metodat e marrëveshjes mes Juves dhe Fiorentinës. Për momentin një nga siguritë e pakta janë 67 milionë euro si pikënisje, e cila mund të rritet deri në 75 me bonuset e ndryshme të ofruara. Për zyrtarizimin, duhet pritur edhe pak, por deri të hënën, ditën e mbylljes së merkatos së janarit, Vlahovic do të ketë veshur fanellën e re.
Mediumi kinez ‘China Daily’ ka bërë një shkrim për skitaren Kiana Kryeziu, e cila do ta përfaqësojë Kosovën në Lojërat Olimpike Dimërore ‘Pekini 2022’.

Në shkrimin për Kryeziun, ‘China Daily’ e ka paraqitur Kosovën si shtet.

E përditshmja që është e shkruar në gjuhën angleze, është pronë e Departamentit të Publicitetit në Partinë Komuniste të Kines, ndërsa burim i këtij shkrimi ka qenë “Associated Press”.