Sekreti është kombinimi i ushtrimeve dhe do të kuptosh se do ta ndiesh veten më mirë. Lauren Fairbanks, një trajnere personale në Equinox, tha se për të pasur më shumë rezultat nga palestra “duhet të përziesh ushtrimet për të shmangur mërzinë dhe për të pasur më shumë rezultat”.

Gjithashtu një gabim tjetër që nuk duhet bërë kur shkoni në palestër është zgjedhja e veshjeve dhe veçanërisht këpucëve.

Përceptimi se çdo lloj i këpucëve sportive është i përshtatshëm për vrapim, është i gabuar. Në fakt, atletet kanë rol të rëndësishëm në teknikën e vrapimit e po ashtu edhe në eliminimin e impaktit të cilin e pranojmë nga forca e gravitetit. Nga këpucët e papërshtatshme mund të kemi dhimbje të nyjeve të këmbëve, gjunjëve, ijeve si dhe pjesës së poshtme të shpinës. Përdorimi sistematik i këpucëve të papërshtatshme mund të çojë edhe deri tek disbalanca muskulore dhe devijimet e pjesëve të ndryshme të trupit. Zgjidhja do të ishte të blini një palë këpucë të cilat e absorbojnë impaktin sidomos në zonat në të cilat pozicionimi dhe mënyra si ecim apo vrapojmë janë më të ngarkuara gjatë lëvizjes.