Nëntë ndeshje të shtyra në Premier League: Të hënën, klubet takim emërgjence
Njëzetë klubet e Premier League do të rimblidhen të hënën për të diskutuar se si të veprojnë nën emergjencën Covid, që po e vë Britaninë e Madhe gjithnjë e më shumë nën presion.
Lajmi i rëndësishëm është raportuar nga edicioni online i BBC.
Nëntë ndeshje tashmë janë shtyrë këtë javë, me pesë (nga dhjetë) të planifikuara fillimisht për këtë fundjavë. Në një deklaratë të enjten, Premier League njoftoi se ndeshjet do të vazhdojnë për aq kohë sa ato mund të luhen të sigurta.
Disa menaxherë, si Thomas Frank i Brentford, kanë bërë thirrje që turneu të ndalet deri më 26 dhjetor, të tjerë besojnë se pushimi duhet të jetë edhe më i gjatë. Të tjerë, si Jurgen Klopp, besojnë se kampionati nuk duhet të ndalet.
