Nëna e Romelu Lukakut duhej ta merrte çertifikatën e tij të lindjes në ndeshje, për ta vërtetuar moshën

Një foto e 13-vjeçarit Romelu Lukaku është rishfaqur në internet, pas raportimeve se se sulmuesi i Interit ka refuzuar afrimin e ish-klubit, Chelseat, këtë verë.

Vetëm si 13-vjeçar, Lukaku dukej se po shkonte në rrugë të shpejtë në shndërrimin e një gjiganti në futboll, teksa tash si 28-vjeçar udhëheq sulmin e Simone Inzaghit në Serie A.

Në moshën 5-vjeçare, Lukaku filloi karrierën duke luajtur për klubin lokal, Rupel Boom, para se eventualisht të zbulohej nga skautët e skuadrës belge, Lierse.

Dhe sipas ish-agjentit të tij, Mino Raiola, nëna e Lukakut detyrohej të merrte me vete çertifikatën e lindjes së të birit në ndeshje, për ta vërtetuar moshën e tij.

13 year-old Romelu Lukaku was taller than most referees. Parents of other children often complained that he was bigger than the age he claimed to be. His mother would often bring his birth certificate to prove he’s actually 13. ? pic.twitter.com/V6bZBoqfa1

— PF | Transfer News (@PurelyFootball) August 1, 2021

Raiola kishte thënë për ‘Exoressen’ më 2017: ”Pyetja e parë e tyre ishte nëse ai është i bardhë apo i zi.

”I pyeta çka ka rëndësi? A mendoni se kjo ndodhë në sportin amerikan? Scottie Pippen, a është i zi apo i bardhë? Kujt i intereson? A mund të luajë basketboll? A mund të luajë futboll?

”Për Lukakun, ky ka qenë gjithmonë problem. Po flisja me nënën e tij. Eventualisht, ajo shkonte në ndeshjet e të rinjëve me çertifikatë të lindjes.

”Ajo gjithmonë përfundonte me prindër të tjerë që nuk mendonin se ai ishte 12 apo 14-vjeçar. Gjithmonë kishte grindje kur ai shënonte tre apo katër gola.

”Ai ishte më i madh dhe fizikisht i fortë, po. Por ata bërtisnin se nuk kishte moshën e duhur.

”Kështu që ajo merrte çertifikatën e lindjes. Ai lindi në Belgjikë, por ata shpërndan raporte fallco që ka lindur në Afrikë. ‘Ja ku e keni,’ ju tha ajo.” /Periskopi.com/