“Ne i kemi skemat e kosovarëve” – fotoreporteri rumun e luan ‘spiunin’ në ‘Fadil Vokrri’, publikohen pamjet

Një foto-reporter rumun e ka luajtur “rolin” e spiunit gjatë stërvitjes së kombëtares së Kosovës të enjten, një ditë para ndeshjes ndaj Rumanisë në stadiumin ‘Fadil Vokrri’.

Një pjesë e seancës së fundit stërvitore të Kosovës ishte e hapur për mediat.

Kësisoj, mediat rumune nuk e humbën rastin që të kapin diçka nga shënimet e selektorit Franco Foda.

“Ne i kemi skemat e kosovarëve”, shkruhet në titullin e gazetës Gazeta Sportilur (GSP).

Rumunët shkruajnë se ishin disa momente kur Franco Foda shfletoi fletët e tij të stërvitjes, “mjaft për të zbërthyer disi një pjesë të planeve të tij”.

Fotot tregojnë skema të ndryshme me të cilat Foda do të punonte në seancën stërvitore, me vendosjen e lojtarëve, lëvizjet e tyre apo strategjinë e vendosjes.