Ndryshon Twitter?

Edhe pse nuk është konfirmuar zyrtarisht, është thënë që nga sot të ndryshoj Twitter. Rrjeti social “Twitter” nga sot, 19 shtator, pritet që të ofrojë më shumë hapësirë në dispozicion të “cicërimave”.

Siç ishte njoftuar që prej muajit maj, mes 140 karaktereve nuk do të mund të konsiderohen më fotot, videot, fotot e lëvizshme “gif”, apo sondazhet.

Në rast se do të jeni duke iu përgjigjur një tjetër “cicërime”, edhe emri i personit të dedikuar nuk do të konsiderohet si karakter i statusit, duke mos e ulur limitin.

“Nuk do të heqim dorë nga ideja që Twitter të jetojë momentin. Shkurtësia, shpejtësia ddhe mundësia për të dialoguar në kohë reale, pra të jesh në gjendje të mendosh diçka dhe ta ndash atë shpejt me pjesën tjetër të botës. Këto për ne janë prioritare”, ka thënë bashkëthemeluesi dhe administratori, Jack Dorsey.