Ndodh edhe kjo: Sorrat sulmojnë prishtinasit, 26 persona u bënë për spital

Vetëm muajin e fundit, 26 persona janë drejtuar në Qendrat e Mjekësisë Familjare në Prishtinë si pasojë e lëndimeve të shkaktuara nga sulmet e sorrave.

Raportohet se një qytetare në Dardani është sulmuar nga një sorrë dhe më pas ka kërkuar ndihmë mjekësore.

E njëjta ka ndodhur edhe me një qytetare tjetër e cila është detyruar të marrë edhe një vaksinë kundër infeksionit që mund të shkaktohet pas plagëve.

Nga fundi i muajit prill deri në mes të qershorit, sorrat janë më agresive kur mbrojnë zogjtë e tyre, raporton Insajderi.

Periskopi ka pyetur Komunën e Prishtinës për këtë cështje, mirëpo deri në publikimin e këtij lajmi, nuk kanë kthyer përgjigje.