Ndahet nga jeta Ennio Morricone, mjeshtri me famë botërore i muzikës së filmave!

Kompozitori italian me famë botërore, Ennio Morricone është ndarë nga jeta në moshën 91-vjeçare, si pasojë e një rrëzimi të papritur. Familja e mjeshtrit të muzikës është shprehur se ceremonia e lamtumirës do të jetë shumë private, në respekt të dëshirës së Morricone-s. Ndër të tjera ata shtojnë se fituesi i çmimit Oscar e ruajti gjer në fund kthjelltësinë, pasi edhe në momentet e fundit të jetës, u përshëndet me gruan dhe falenderoi fëmijët dhe nipërit për gjithë dashurinë e dhuruar gjatë jetës.

Pas emrit të tij qëndrojnë kolonat zanore të filmave që kanë bërë histori në kinematografinë italiane dhe atë botërore.

I njohur për kryeveprat e tij në filmat The Good, the Bad and the Ugly, Malena, Once Upon a Time in the West, Cinema Paradiso, e shumë të tjerë!

Kompozimet e Morricone-s, qëndronin pas rreth 500 filmash të suksesshëm. Oscar-in e parë, Ennio e fitoi pas punës me Quentin Tarantino-n, “The Hateful Eight (2015)”.

I njohur botërisht si “Mjeshtri”, në 2017-ës, ai mori sërish një çmim Oscar (prezantuar nga Clint Eastwood), për gjithë kontributin dhe bashkëpunimet e mrekullueshme në muzikën e filmave.