Naser Hafizi sot para Gjykatës, pritet vendosja e masës së sigurisë

Ushtruesi i Detyrës së Udhëheqësit të Autoritetit të Rajonit të Pellgjeve Lumore në Ministrinë e Mjedisit Planfikimit Hapësinor dhe Infrastrukturës, Naser Hafizi, sot është paraqitur në seancën dëgjimore, pasi u arrestua dje nën dyshimet për keqpërdorim detyre

Aktualisht është duke u mbajtur seanca ndaj tij, këtë për Insajderin e konfirmojë zëdhënësja e Gjykatës Themelore në Prishtinë, Mirlinda Gashi.

Gjyqtari i procedurës paraprake pritet që të vendos më pas për masën e sigurisë ndaj Hafizit.

Hafizi është u arrestuar të enjtën në aeroportin e Prishtinës “Adem Jashari”, pas kthimit nga një udhëtim në Francë.

Ditë më parë, me urdhër të Prokurorisë Speciale u zhvillua një aksion në Ministrinë e Mjedsit, Planifikimit Hapësinor dhe Infrastrukturës.

Gjatë këtij aksioni u arrestua zv/sekretari i Ministrisë, Izedin Bytyqi, derisa për Hafizin u tha se nuk është gjetur në banesë.

“I arrestuari me inicialet I.B. dyshohet se ka kryer veprat penale: “Keqpërdorim i detyrës apo autoritetit zyrtar” dhe “Armëmbajtje pa leje”, kurse i dyshuari tjetër me inicialet N.H. dyshohet se ka kryer veprat: “Keqpërdorim i detyrës apo autoritetit zyrtar” “Shpëlarje e parave” dhe “Mosraportim apo raportim i rremë i pasurisë i të ardhurave, i dhuratave, i dobisë tjetër pasurore ose i detyrimeve financiare”, thuhej në njoftimin e përbashkët të Prokurorisë dhe Policisë.