Mustafa i reagon Hajdarit: Enveristo-markisto-komunistët vocrrakë ëndërrojnë t’i diktojnë popullit çka të flasin
Minsitrja e Industrisë, Ndërmarrësisë dhe Tregtisë, Rozeta Hajdari ishte e ftuar në një emision në televizionin publik ku ka refuzuar të përgjigjet në pyetjet për rezervat shtetërore.
Madje, Hajdari i drejtohet moderatorit të emisionit me pyetjen ‘A je prokuror?’ duke kërkuar të mos i bëhen pyetje më për rezervat shtetërore.
Për këtë rast ka reaguar deputeti i LDK-së, Besian Mustafa.
Mustafa e ka konsideruar si qasje enveriste. ”Enveristo-markisto-komunistët vocrrakë ëndërrojnë t’i diktojnë popullit çka të flasin, kur të flasin, çka të mendojnë, kur të mendojnë”.
Postimi i plotë:
Enveristo-markisto-komunistët vocrrakë ëndërrojnë t’i diktojnë popullit çka të flasin, kur të flasin, çka të mendojnë, kur të mendojnë… s’kanë pse flasin e mendojnë populli hiq, qy! Për popullin mendojnë liderët mendjendritur, enveristët e vockël, qy!
