Muriqi tregohet modest, reagon për ndeshjen, por s’e përmend fare që i shënoi Realit në “Bernabeu”
Vedat Muriqi realizoi një gol të bukur me kokë, por që nuk mjaftoi që ekipit i tij, Mallorca të dalë me pikë nga “Santiago Bernabeu”.
Real Madridi ka shënuar fitore me rezultat 4:1 ndaj Mallorcas në kuadër të javës së pestë në La Liga.
Se kjo do të ishte një ndeshje e mirë për Muriqin, u pa qysh në sekondat e para të takimit, kur sulmuesi kosovar e kaloi me lehtësi Rudigerin për të plasuar një goditje e cila u ndal nga Courtois.
Ishte minuta e 35-të kur Muriqi realizoi për 0:1 një gol të bukur me kokë, pas një asistimi nga Lee.
Ky ishte goli i tretë këtë edicion për sulmuesin shtatlartë, pas tri ndeshjeve të zhvilluara.
Pas ndeshjes, ai reagoi, por nuk e përmendi fare golin e shënuar në udhëtim ndaj Real Madridit.
“Nuk është rezultati që duam, por do të punojmë shumë dhe do të vazhdojmë të përmirësohemi. Faleminderit për mbështetjen e mahnitshme sot si gjithmonë!”, shkroi Muriqi.
No es el resultado que queremos, pero trabajaremos duro y seguiremos mejorando. ¡Gracias por el increíble apoyo hoy como siempre! ? pic.twitter.com/EYcoNNtmvf
— Vedat Muriqi (@MuriqiVedat) September 11, 2022
