Mourinho e dëshiron ribashkimin me yllin e Realit te Roma
Jose Mourinho raportohet se e dëshiron Gareth Balen te AS Roma.
Sulmuesi uellsian do të largohet si lojtar i lirë nga Real Madridi në afatin kalimtar të verës, pasi kontrata e tij skadon zyrtarisht më 30 qershor – transmeton Gazeta Express.
Bale nuk e ka zbuluar ende të ardhmen e tij, por shumë klube kanë shprehur interesim për shërbimet e tij, duke përfshirë edhe Romën.
Sipas “Calciomercato”, Mourinho e dëshiron ribashkimin me 32-vjeçarin, me të cilin kishte punuar te Tottenham Hotspur.
Megjithatë, Roma duhet ta fitojë garën për të siguruar shërbimet e sulmuesit të krahut, pasi lojtari është i lidhur me një kalim edhe te klubet si Southampton, Newcastle United, Cardiff City, Aston Villa dhe Tottenham.
