Modric ‘nxehet keq’: Duartrokitje për Mbappen? Tifozët duhet të na mbështesin neve, jo rivalët
Skuadra e Real Madridit nesër e mirëpret PSG’në në “Santiago Bernabeu”, me fillim nga ora 21:00, në kuadër të ndeshjes kthyese të Ligës së Kampionëve.
Në media është raportuar se tifozët e Real Madridit po përgatitin një pritje të madhe për Kylian Mbappe, pasi sulmuesi mund t’i bashkohet madrilenëve në fund të sezonit.
Modric tha se tifozët duhet t’i përkrahin lojtarët e Real Madridit dhe jo rivalët në këtë duel.
“Nuk dua të flas për këtë temë tani, sepse ka gjëra më të rëndësishme. Unë jam i fokusuar vetëm te ndeshja. Dhe nuk e di se çfarë do të bëjë publiku me Kylian, Publiku duhet të na mbështes ne deri në vdekje, jo rivalin”, tha mesfushori Luka Modric në konferencë për shtyp.
