Mo Salah ia ulë ‘madhështinë’ Haalandit, Liverpooli tregon ‘dhëmbët’ në Anfield
Pas dy barazimeve e një humbje, Liverpooli është rikthyer te fitorja në Premierligë.
Skuadra e drejtuar nga Jurgen Klopp shënoi fitore në derbin e javës së 11-të, kundër Manchester Cityt.
Ndeshja e zhvilluar sonte në “Anfield Road” përfundoi me rezultatin 1:0.
Golin e vetëm dhe të tri pikëve për “Të Kuqtë” e shënoi Mohamed Salah, në minutën e 76-të.
Për “Qytetarët” ishte kjo humbja e parë këtë sezon.
Liverpooli pas kësaj fitore ka 13 pikë dhe renditet i teti në tabelë, kurse Manchester City mbetet i dyti me 23 pikë.
