Milner flet para ndeshjes me Napolin: Janë ekip shumë i fortë
Mesfushori i Liverpool, James Milner, në konferencën e tij për shtyp në prag të ndeshjes kundër Napolit, foli për ekipin italian.
Milner thekson se Napoli është ekip i madh, teksa veçoi mesfushën e kësaj skuadre, të cilën e quajti si shumë të fortë.
“Ata janë një ekip i shkëlqyer, nuk kanë humbur ende dhe janë të parët në Champions League dhe në Serie A. Mesfusha është shumë e fortë, por ata janë të fortë kudo. Për ne e rëndësishme është të luajmë mirë nesër, është ndeshja perfekte për ne të luajmë kundër një prej skuadrave më të mira në Evropë dhe të bëjmë një paraqitje të mirë”, tha Milner.
Liverpool e mirëpret nesër Napolin në xhiron e fundit të grupeve të Champions League.
