Militantët e VV’së përdorin ekspozitën e dëshmorit të kombit për vota, sqarohet familja Sylejmani: Vizita e Kurtit nuk ishte politike
Me 17 shtator u mbajt ekspozita “Gursel dhe Pranvera Sylejmani”, e organizuar për nder të dëshmorit të kombit Gursel Sylejmani, në Suharekë ku i pranishëm ishte edhe kryeministri Kurti, shkruan Periskopi.
E lidhur me këtë vizitë djali i Gursel Sylejmanit, Dielli Sylejmani pati një sqarim.
Ai u shpreh se vizita e Kurtit nuk kishte të bënte me motive politike e gjitha ishte e organizuar për nder të babait të tij, duke thënë se janë të gjithë të ftuar pa dallime politike dhe se nuk duhet shfrytëzuar.
E gjitha ndodhi pasi një faqe në ‘Facebook’ me emrin “Të gjithë në Vetëvendosje”, ka bërë një video-montazhë për vizitën e Kurtit në ekspozitë.
Në videon që Kurti shihet me të pranishmit në këtë ekspozitë dëgjohet duke thënë deklaratën e tij të famshme:
“Ndoshta është shumë, po ndoshta edhe nuk është shumë”, duke lënë që të kuptohet se familja Sylejmani do ta votoi LVV’në në zgjedhje, gjë e cila u mohua. /Periskopi
