Miley Cyrus rindez teorinë konspirative për Beyonce në ‘Grammy’, teksa çmimin fiton Kendrick Lamar

Miley Cyrus ndezi sërish një teori konspirative rreth Beyonces, teksa shpalli fituesin e çmimit “Regjistrimi i Vitit” në ‘Grammy’ 2025.

Gjatë prezantimit, ajo bëri shaka duke thënë se mund ta emëronte Beyonce-n si fituese edhe nëse çmimi do t’i takonte dikujt tjetër.

Kjo deklaratë shkaktoi reagime mes shikuesve, të cilët rikthyen një teori që qarkullon prej kohësh: sipas saj, artistët falënderojnë Beyonce-n nga frika e ndikimit të saj në industrinë muzikore, shkruan DailyMail.

Cyrus, e cila kishte fituar një ‘Grammy’ më herët atë natë për bashkëpunimin e saj me Beyonce në “II Most Wanted”, nisi prezantimin e saj me: “Ne fituam Beyonce-n!” dhe më pas tha: “Edhe nëse nuk je ti, mund të them që është Beyonce”, duke shkaktuar të qeshura. Në fund, çmimi shkoi për Kendrick Lamar.

Kjo teori, e përhapur në TikTok, pretendon se superylli është aq i fuqishëm saqë artistët ndihen të detyruar ta përmendin në fjalimet e tyre.

Edhe pse nuk ka prova që mbështesin këtë teori, fansat komentuan në rrjete sociale: “Miley e përmendi Beyonce-n dy herë… më kujtoi teorinë e konspiracionit”. “Pse çdo artist duhet ta falënderojë Beyonce-n?” “Miley nuk do asnjë ‘aksident’, prandaj e falënderoi”.

Teoria është nxitur nga raste të mëparshme, si momenti kur Adele e falënderoi Beyonce-n në 2017, Lizzo në 2023, dhe ndërprerja e famshme e Kanye West ndaj Taylor Swift në 2009.

Pavarësisht polemikave, Beyonce vazhdon të jetë një nga figurat më me ndikim në industrinë e muzikës. /Telegrafi/