Mesut Ozil po pensionohet nga futbolli, karrierën do ta vazhdoj në ‘Fortnite’
Karriera e Mesut Ozil në futboll po merr fund.
Kështu të paktën ka thënë agjenti i futbollistit, Erkut Sogut në një prononcim për “The Telegraph”.
Sogut tha se beson se Ozili s’do të luaj më futboll pas aventurës jo të mirë në Fenerbahce.
“Unë nuk mendoj se do të luaj më futboll për ndonjë ekip. Nuk e shoh të ndodh kjo, me Fenerbahcen ka përfunduar”, u shpreh ai.
“Ai do të vazhdoj karrierën në lojërat elektronike të ‘esports’, ndoshta do të bëhet atlet i ‘esports’. Ai është mjaft i mirë me këto lojëra të jem i sinqertë, sidomos në ‘Fortnite’. S’do të befasohesha po ta shihja atë duke marr pjesë në gara kompetitive. Ai ka një ekip tash ‘M10 Esports’ dhe ka bashkëlojtar. Ka një shtëpi për videolojëra në Gjermani”, u shpreh agjenti i tij.
