Mësoni se kur do të hidhet shorit për fazën e grupeve për Kupën e Botës 2022

Kupa e Botës 2022 do të zhvillohet në Katarin e “pasurisë” gjatë muajit të dimrit, shkaku se vera atje bën shumë nxehtë.

Ky kompeticion fillon me 21 nëntor në stadiumin “Al Bayt”, në një ndeshje ku luajnë vendet mikëpritëse, shkruan Periskopi.

Finalje do të luhet në stadiumin e Dohas me 18 dhjetor.

Kush është kualifikuar deri tani?

Katari
Gjermania
Danimarka
Brazili
Franca
Belgjika
Kroacia
Serbia
Anglia
Zvicra
Holanda
Argjentina

Kur është shorti?

Deri në fund të marsit, do të kuptojmë 29 nga 32 pjesëmarrësit në Kupën e Botës. Tre vendet e fundit do të vendosen në play off-in ndërkontinental në qershor, si dhe finalen e play-off-it evropian, e cila është shtyrë për shkak të krizës Ukrainë-Rusi.

Shorti për Kupën e Botës do të hidhet të premten më 1 prill 2022, në Doha, Katar rreth orës 16:00.

Cili është formati i shortit?32 kombet e përfshira në Kupën e Botës 2022 do të ndahen në tetë grupe me nga katër kombëtare.

Vendi mikpritës Katari do të jetë në pozitën e parë të Grupit A. Kombet e tjera do të ndahen në katër vazo bazuar në renditjen e FIFA-s me skuadrat e vlerësuara më të mira që do t’i bashkohen Katarit në vazon e parë.