Mësohen çiftet e para në 1/8 e finales në Kupën e Botës
Këtë të martë u zhvilluan dy ndeshjet e xhiros së tretë dhe të fundit në Grupet A dhe B në Kupën e Botës “Katar 2022”.
Holanda fitoi 2:0 kundër Katarit për të kaluar tutje si lidere e Grupit A.
Nga ky grup në 1/8 e finales kalimin e siguroi edhe Senegali, që mposhti Ekuadorin 1:2.
Nga Grupi B, Anglia mposhti lehtësisht 3:0 Uellsin, teksa Shtetet e Bashkuara të Amerikës fituan 0:1 kundër Iranit.
Kësisoj, anglezët kalojnë tutje nga pozita e parë, ndërsa amerikanët nga pozita e dytë.
Pas kompletimit të këtyre grupeve, tashmë dihen edhe çiftet e para për fazën e 1/8 së finales.
Anglia do të përballet me Senegalin, më 4 dhjetor (ora 20:00) , kurse Holanda me Shtetet e Bashkuara të Amerikës më 3 dhjetor (ora 16:00).
