Meshkujt me fytyra “burrërore” janë më të prirë të tradhtojnë

Nëse një mashkull ka më shumë karakteristika “burrërore” në fytyrë, atëherë ai është më i prirë ta tradhtojë partneren, sipas një studimi të ri.

Hulumtuesit kanë zbuluar se meshkujt me karakteristika si mjekra e fortë dhe buzët e holla janë më të prirë të jenë të pabesë, e madje edhe t’i vjedhin të dashurat e meshkujve tjerë.

Në këtë studim, 299 meshkujve dhe 452 femrave u ishte kërkuar të shikonin fotografi të meshkujve dhe t’i renditnin në një shkallë prej 1 deri në 10 se sa të prirë dukeshin për të tradhtuar.

Meshkujt e fotografuar gjithashtu ishin pyetur t’i vlerësojnë sjelljet e tyre, më saktësisht se sa shumë i “vjedhin” të dashurat e meshkujve tjerë.

Rezultatet kanë treguar se vlerësimet e meshkujve dhe femrave ishin përshtatur me ato që meshkujt e fotografuar i kishin thënë për vetveten.

Pra, meshkujt me karakteristika më burrërore e kishin pranuar se janë më të prirë të tradhtojnë.