Mbyllet pa fitues derbi mes Napolit dhe Interit
Ka përfunduar ndeshja interesante në stadiumin “Diego Armando Maradona” mes Napolit dhe Interit, e vlefshme kjo për xhiron e 25 të Serie A.
Kampioni italian Inter ka arritur të barazojë me rezultat 1:1 në ndeshjen kundër skuadrës së Napolit.
Fillimisht, rezultati u zhbllokua në minutën e 7’ të ndeshjes, ku sulmuesi anësorë Lorenzo Insigne shënon nga penalltia për të kaluar Napolin në epërsi prej 1:0.
Golin e barazimit për “Nerazzurët” dhe të fundit të ndeshjes e shënoi sulmuesi boshnjak Edin Dzeko, i cili shënon në minutën e 47’ për rezultatin final 1:1.
Me pikët e reja, Interi vazhdon kryesimin e tabelës me gjithsej 54 pikë, në krahasim me kundërshtarin e sotëm Napolin, që zë vendin e dytë me 53 pikë të tubuara.
Rezultati final i ndeshjes mes Napolit dhe Interit është i barabartë 1:1.
