Mbrojtësi i cili shkoi viral pasi shënonte autogola për t’i ndalur trukimet e ndeshjeve, mund të pezullohet nga futbolli
Në korrik, mbrojtësi i Premier Leagues ganeze, Hashim Musah shkoi viral pasi me qëllim shënoi dy autogola në një ndeshje për të parandaluar skemën e trukimit të përballjes.
Musah, futbollist i Inter Allies, me qëllim shënoi në portën e vetë dy herë, duke pësuar humbje eventualisht 7-0 nga Ashanti Gold në elitën e futbollit ganez, transmeton Periskopi.
”Dëgjova në hotel se një bast është vënë për një rezultat final 5-1 kundër klubit tim, Inter Allies,” tha Musah në konferencë për shtyp.
“Vendosa ta prish atë bast sepse nuk e pranoj bastin. Pas lojës, ekipi im teknik më përgëzoi për prishjen e bastit që kishin vënë.”
Pamjet e autogolave shkuan viral në rrjetet sociale.
Mirëpo, gjërat kanë marrë kthesë sensacional tash, me Musahn që po akuzohet se në fakt ai ka trukuar ndeshjen.
Federata e Futbollit të Ganës ka vërejtur parregullsi dhe ka vendosur ta dënojë Musahn për trukim ndeshjesh. Mbrojtësi është në mesin e 18 futbollistëve dhe gjashtë zyrtarëve mes dy skuadrave që janë akuzuar për shumë parregullsi, përfshirë trukim, sipas ‘BBC Sport’.
I njëjti raport potencon se Musah mund të pezullohet nga futbolli përgjithmonë për rolin e tij. /Periskopi.com/
This is beyond human comprehension eeeiii
Ghana Football ! How do I explain these own goals to my mother? pic.twitter.com/E823VhahFY
— Ayishatu Zakaria Ali (@ayishatu_) July 19, 2021
