“Mbappe më i kompletuar se Haaland”

Gerard Pique ka bërë një krahasim mes Kylian Mbappe dhe Erling Haaland.

Mbappe dhe Haaland shihen si dy lojtarët me të ardhmen më të ndritur në botën e futbollit.

Dyshja pritet të jenë ata që përcjellin rivalitetin e Lionel Messi dhe Cristiano Ronaldo, ndonëse vështirë se do të prekin ato nivele.

Për dy lojtarët ka folur Gerard Pique, i cili tha se Mbappe është më i kompletuar sesa sulmuesi norvegjez.

“Ata janë dy nga lojtarët më të mirë aktualisht. Janë të rinj dhe të dy kanë potencial për ‘Topin e Artë’, sigurisht”, ka thënë Pique.

“Mendoj se Haaland është sulmues më klasik, i fuqishëm dhe shënon shumë gola. Mbappe është lojtar më komplet – mund të luajë si anësor ose sulmues”, ka shtuar ai. “Nuk kisha mundësinë të luaja kundër Haaland, kam luajtur kundër Mbappe. Është e vështirë të zgjedhësh”, ishin fjalët e qendërmbrojtësit.

Kylian Mbappe lidhet me një transferim të mundshëm te Real Madrid, kurse Haaland shihet më afër me Manchester City