Mazda zbulon detajet e modelit të saj të parë elektrik

Tetë ditë para debutimit zyrtar, Mazda zbuloi detajet e modelit të saj të parë elektrik.

Mazda EV i parë do të debutojë në Panairin e veturave në Tokio më 23 tetor,  duke premtuar një përvojë të veçantë “hapësire” për udhëtarët, transmeton KosovaPress.

Qëllimi kryesor i Mazda është që pasagjerët të ndihen rehat në automjet, kështu që pjesa e enterierit ka hapësirë të mjaftueshme dhe lidhje më të mirë midis shoferit dhe ndarjes së pasagjerëve.

Blerësit e mundshëm menjëherë do të ndihen të lidhur me makinën, e cila do t’i lejojë të jenë më të lirë dhe pa hequr dorë nga zakonet e tyre të preferuara, sipas Mazda.

Materialet eko-miqësore me cilësi unike u përdorën për modelimin e brendshëm.