Marcelo largohet nga Real Madridi pas 15 viteve, klubi bën ofertë
Legjenda e Real Madridit, Marcelo raportohet se do të ketë një lamtumirë emocionale me klubin në fund të sezonit.
33-vjecari mbetet pa kontratë në verë dhe është objektiv i klubit brazilian Botafogo, transmeton Periskopi.
Sipas ‘Torcedores’, Botafogo po mendon të joshë lojtarë nga Evropa që të kalojnë në Amerikë të Jugut.
Ish-lojtari i Chelseat, Salomon Kalou dhe Keisuke Honda më herët kishin luajtur për Botafogon.
Dhe një lëvizje për mbrojtësin e majtë do të ofronte një rikthim emocionues në shtëpi për katër herë fituesin e Champions Leagues.
E vetmja pengesë mbetet klubi nëse i ka fondet për të plotësuar kërkesat e pagës.
Por drejtuesit e klubit nga Rio De Janeiro shpresojnë se ardhja e Marcelos do të sjellë sponsorë të rinj në klub, dhe kështu do t’i gjenin fondet për ta transferuar atë.
Megjithatë, ata do të ndeshen në garë për shërbimet e tij, me Fluminesen dhe disa klube tjera që po e monitorojnë situatën e tij. /Periskopi.com/
